Шаҳардаги интернет қаергадир йўқолди! Шаҳарни телекоммуникацион тартибсизлик эгаллаган. Бу даҳшатли жиноятни қайси ярамас амалга оширган экан?! Ким бизга ёрдам беради?
Кроник ёрдам учун йўлга чиқди. У адолатни тиклайди ва шаҳар аҳолисига Интернетни қайтариб беради. Кроник саргузаштлари бошланмоқда!
Сиз аллақачон «Кроник саргузаштлари» ўйинининг бош қаҳрамони Кроник исмли кичкинагина ва хушчақчақ махлуқча эканлигини тушуниб етгандирсиз? У Tashkent City’ни Ёвузлик Докторидан ҳимоя қилишга шайланган!
Тунда Ёвузлик Доктори Tashkent City’нинг барча хонадонлари ва идораларидаги модемларни ўғирлаб, уларни 3 бўлакка синдириб ташлади. Энг афсусланарлиси, бу бўлаклар солинган халта йиртилиб кетди ва модем бўлаклари бутун шаҳар бўйлаб сочилиб кетди. Ўйинчи Кроник ўрнида ўйнаши лозим. Ўйиннинг мақсади, ҳар бир поғонада қўйилган тўсиқларни енгиб ўтган ҳолда, модемнинг йўқолган қисмларини теришдан иборат.
Ўйин классик аркада кўринишида яратилган бўлиб, кўпчилигимизнинг ёдимизда бўлган Супер Марио ўйинини эслатади.
Ўйинда 20 та босқич бўлиб, уларни ўйнаш давомида зерикиб қолмайсиз.
Босқични ютиш учун, Кроник модемнинг барча қисмларини тўплаши, уни тузатиши ва шаҳар аҳолиси уйлари ва идораларидаги Интернетни созлаши керак бўлади.
Бу унчалик осон иш эмас, чунки ҳар бир босқичда Кроникнинг йўлига турли тўсиқлар тўғаноқ бўлади ва Ёвузлик Докторининг ёрдамчилари унга ўз вазифасини бажаришига ҳалақит беришга ҳаракат қиладилар.
Кроникнинг ўрнида ўйнанг ва Tashkent City’да адолатни қарор топдиринг!
Изоҳ (0)