Марказий Америкадан келиб ноқонуний яшаётган болалар АҚШдан ўз юртларига қайтариб юборилади. Бу ҳақда Барак Обама баёнотига таяниб, ИТАР-ТАСС хабар берди. Ушбу масалани ҳал қилиш учун Оқ уй хўжайини Конгрессдан 3,7 миллиард доллар сўраган.
Ўтган йилнинг октябридан буён АҚШнинг жанубий чегарасида чегара хизмати томонидан бир неча ўн минглаб болалар тутиб олинган. Улар катталар ҳамроҳлигисиз АҚШ ҳудудига ўтмоқчи бўлган.
«Бу ерга ноқонуний равишда келган болалар ўз ватанларига қайтарилади», — дея таъкидлади Обама. Шу билан биргаликда у ушбу давлатлардаги ночорлик ва зўравонликка қарши курашиш кераклигини айтди. АҚШ президентининг аниқлик киритишича, вояга етмаган муҳожирларнинг бир қисмигина қочоқ статусига эга бўлиши мумкин.
Изоҳ (0)