Словакиянинг янги сайланган президенти Андрей Киска ўзининг 5376 еврога тенг илк маошини камбағал ва хаста кишиларга тақсимлаб берди. Бу ҳақда унинг матбуот котиби Петер Петрус хабарига таяниб, «Российская газета» маълум қилди.
«Саккизта оиланинг банк ҳисобларига 537 евродан ўтказилади, бундай ҳисобга эга бўлмаган яна иккита оилага маблағлар почта орқали юборилади», — деди Петрус.
Пулга муҳтож оилаларни Президент бир нечта хайрия ташкилотлари орқали танлаб олди.
Киска Словакиядаги мезонлар бўйича анча бадавлат киши. У тахминан 6—7 миллион еврога тенг мол-мулкка эгалик қилади. Сиёсатга кириб келгунига қадар у бизнес билан шуғулланган ва иккита компания эгаси бўлган.
Изоҳ (0)