85 ёшли ҳиндистонлик аёл ўғриларни ўтириб-туришга мажбур қилди

Ҳиндистоннинг Ратлам шаҳрида истиқомат қилувчи 85 ёшли аёл уйига бостириб кирган ўғриларга қаршилик кўрсатди. Бу ҳақда Bhaskar нашри хабар берди.

Ҳуқуқ-тартибот органлари ходимлар келгунига қадар кекса аёл ўғриларга челак ва таёқ билан зарба берган. Полиция участкасида шахсларни кимлигини аниқлаш жараёнида эса жазо сифатида уларни ўтириб-туришга мажбур қилган.

Аниқланишича, ўғрилар уйга киришга уринаётганда аёлни уйғотиб юборган. Аввалига кампир уларга қарата челак отган. Ўғрилардан бири унинг қўлидан ушлаб қолгач эса, аёл таёқ билан ура бошлаган. Бир неча дақиқада етиб келган полициячилар шовқинни эшитган қўшнилар томонидан чақирилган.

Жабрланувчининг сўзларига кўра, у ёлғиз яшайди. Турмуш ўртоғи вафот этган, тўрт нафар фарзанди эса Мумбайда ишлайди.

Полиция ходимлари аёлнинг довюраклиги учун миннатдорчилик билдириб, унга 5000 рупий (80 доллар атрофида) мукофот берди.