16 июль куни Хитойнинг шимоли-шарқидаги Суйфэньхэ шаҳрида хитойлик ва россиялик ошпазлар тайёрлаган 112,374 метрлик кабоб Гиннеснинг Рекордлар китобига киритилди. Бу ҳақда «Синьхуа» агентлигига таяниб, «РИА Новости» хабар берди.
Ушбу таомни тайёрлашда 70 нафар пазанда қатнашди. Кабобни пишириш учун 6 соат вақт ва 300 килограммдан ортиқ гўшт талаб қилинди. Юзлаб хитойлик ва хорижий сайёҳлар таомни татиб кўришда иштирок этди.
Бундан аввалги рекорд 2011 йилда Японияда қайд этилган эди. Ўшанда 107,6 метр узунликдаги кабоб тайёрланган.
Тадбир Россия—Хитой сайёҳлик фестивали доирасида бўлиб ўтди.
Изоҳ (0)