Украина-Россия чегараси яқинида Малайзияга тегишли «Боинг-777» йўловчи самолёти қулади. Бу ҳақда, ўз манбаларига асосланиб, «Интерфакс» ахборот агентлигига асосланиб «Кун» хабар берди.
Украина ҳукумати мамлакат шарқидаги Донецк вилоятининг Шахтёрск шаҳри яқинида Малайзияга тегишли «Боинг» қулаганини тасдиқлади. Бу ҳақда «РИА Новости» ахборот агентлиги хабар бермоқда.
«Амстердам — Куала-Лумпур» йўналиши бўйлаб ҳаракатланаётган лайнер Украина ҳудудида ҳалокатга учраган. Агентлик маълумотларига кўра, самолёт Донецкдан 80 километр узоқликда қулаган.
«Лайнер ҳозирги вақтда жаногвар ҳаркатлар кетаётган Донецк яқинидаги Снежное аҳоли пункти яқинида қулаган», – деди «Интерфакс» манбаси.
Самолёт бортида 280 нафар йўловчи ва экипажнинг 15 нафар аъзоси бўлган. Қайд этишларича, самолёт 10 километр баландликда парвоз қилаётган бўлган.
«Украинская правда»нинг қайд этишича, самолёт уриб туширилган. Нашрнинг ёзишича, аввалроқ Украина шарқида ҳаракат қилаётган россияпараст айирмачилар ихтиёрида юқори баландликда парвоз қилаётган самолётларни уриб тушириш имконини берувчи қурол пайдо бўлганди.
ИТАР-ТАСС ахборот агентлигининг Россия авиадиспетчерлик доираларидаги манбаларига асосланиб хабар беришича, самолёт бортидаги барча йўловчилар ҳалок бўлган.
Изоҳ (0)