Германия ҳукумати АҚШ Марказий разведка бошқармаси (МРБ)нинг Берлиндаги раҳбарини мамлакат ҳудудидан жўнатиб юбормоқда, деб хабар берди Gazeta.ru Reuters нашрига таяниб.
Германия ҳукумати ахборот котиби Штеффан Зайбертнинг маълумотига кўра, АҚШ элчихонасидаги МРБ вакилига мамлакат ҳудудини тарк этиш ҳақида буйруқ жўнатилган. Берлин АҚШ фойдасига жосуслик амалга оширилгани билан боғлиқ икки ҳолатдан сўнг шундай қарорга келди, деб қайд этилди нашрда.
Эслатиб ўтамиз, Берлин ва Вашингтон ўртасидаги жосуслик можароларида иккинчи гумондор шахс пайдо бўлган эди. Германия Федерал прокуратурасининг баёнотига кўра, шахси маълум қилинмаган гумондор унинг фаолиятини текшириш ишлари ниҳоясига етгунга қадар озодликда бўлади.
Германия канцлери Ангела Меркель, ўз навбатида, АҚШ амалга ошираётган жосуслик вақтни зое кетказиш эканлигини айтди.
Изоҳ (0)