Twitter мусулмон фойдаланувчилар учун саҳарлик ва ифторлик вақтини осон билиш имконини берувчи янги хизматни йўлга қўйди. Twitter ЖЧ — 2014 бағишланган байроқлардан сўнг Рамазон ойи ва Рамазон ҳайити учун бағишланган махсус белгиларни ишлаб чиққанини маълум қилди.
Фойдаланувчиларнинг #Ramadan ёки #Eid деган хештеглари олдида ярим ой ёки арабча ёзув пайдо бўлади.
«Жорий йилда дунё бўйлаб 1,5 миллиардан ортиқ мусулмонлар Ислом календарининг тўққизинчи ойи бўлган Рамазонни нишонлайди. Уларнинг ичида Twitter фойдаланувчилари ҳам мавжуд. Статистикага кўра, ўтган йили дунё бўйлаб Рамазонга оид 74,2 миллиондан ортиқ твит қолдирилган», — дея Twitter хабар берди.
Twitter ходимлари 2013 йили Рамазон ойида қолдирилган твитларни кўриб чиқишди. Унга кўра АҚШдаги Twitter фойдаланувчилари «ёзнинг иссиқ кунларида қанчалик оч ва чанқаб рўза тутаётганликларини» ёзганлар. Англия ва Малайзия фойдаланувчиларнинг твитларида «ҳаппй» (бахтиёр) сўзи, Саудия Арабистони, БАА, Баҳраин ва Миср фойдаланувчилари қолдирган твитларда эса صلاة (намоз) сўзи кўп учраган.
Шунингдек, Twitter фойдаланувчиларга ифторлик ва саҳарлик вақтини билиш имконини ҳам яратган. Бу хизмат фойдаланувчилари ифторлик вақтини билиш учун #iftar сўзи ва ўз шаҳарлари (#london ёки #newyork) номини белгилаган ҳолда al Arabiya янгилик канали (@alarabiya)га твит қолдиришлари, саҳарлик вақтини билиш учун эса #imsak хештегини ёзишлари керак.
Изоҳ (0)