Исроил Суриядаги ҳарбий объектларга ҳаво ҳужуми уюштирди

Исроил Мудофаа армиясининг жанговар самолётлари қўшни Сурия ҳудудидаги қатор нишонларга ҳужум қилди. Бу ҳақда «РИА Новости» хабар берди.

Голан тепаликларидаги талаш ҳудудда жойлашган Сурия ҳарбийлари ҳужумга учради. Нашрнинг таъкидлашича, авиаҳужум Сурия билан чегарада фуқаро автомобили портлаганига жавобан уюштирилди. Портлаш натижасида исроиллик ўспирин ҳалок бўлган, яна уч киши яраланган эди.

Кейинроқ Исроил Озодлик армияси авиаҳужумлар тўғрисидаги хабарни тасдиқлади ва ҳужумлар Суриянинг тўққизта ҳарбий объектларига, жумладан қўмондонлик пунктларига уюштирилганини аниқлаштирди.

Голан тепаликларидаги портлашни ҳарбийлар режалаштирилган акция деб атамоқда. «У сўнгги бир неча ой ичида Сурия ҳудудидан туриб уюштирилган ҳужумларнинг энг жиддийси бўлди», — дейишди ҳарбийлар.

Портлаш ҳукумат кучлари ёки Голан тепаликларининг Сурияга тегишли қисмида назоратни қўлга киритиш учун курашиб келаётган мухолифат жангарилари томонидан уюштирилгани ҳозирча номаълум.