АҚШ собиқ биринчи хоними ва давлат котиби Хиллари Клинтоннинг айтишича, АҚШ Германиядан ўрнак олиб, давлат тепасига аёл раҳбарни қўйиши керак. Бу ҳақда «РИА Новости» хабар берди.
Германиянинг Stern журналига интервью берар экан, Клинтон: «Биз бу масалада сиз — Германиядан анча орқадамиз, — деди. — Мен АҚШни яқин вақт ичида аёл киши бошқаришини хоҳлардим, бунинг учун эса қўлимдан келганини қиламан». У бунинг ўзи бўлишига ишончи комил эмаслигини ҳам қўшиб қўйди.
Хиллари Клинтон Америка махсус хизматининг ГФР ҳудудида жосуслик қилгани ва Ангела Меркель телефонини тинглагани Германия аҳолиси норозилигига сабаб бўлганини тушунишини айтди. «Мен ҳам бундай вазиятда худди улардек ғазабланган бўлардим. Иттфоқдошимдан зудлик билан махфий кузатувни тўхтатишини талаб қилган бўлардим», — деди у.
Изоҳ (0)