Бразилиядаги ЖЧ-2014’га аталган пиво ёрлиғини эронликлар ҳақорат деб билишди

Германиянинг Gaffel Koelsch фирмаси томонидан чиқарилган пиво шишаларининг бир партиясига Бразилиядаги футбол бўйича жаҳон чемпионати муносабати билан Эрон Ислом Республикаси байроғи туширилди. Бу Эрон сиёсатчилари норозилигига сабаб бўлди, дея хабар берди «РИА Новости».

Gaffel Koelsch ўз пиво идишларига мундиалда иштирок этадиган барча жамоалар байроқларини муҳр этди. Эрон парламенти депутатлари фикрича, уларнинг байроғи пиво ёрлиғида ишлатилгани диндор эронликлар эътиқодини ҳақоратлайди.

«Эрон байроғидаги ‘Оллоҳ буюк’ ёзуви пиво ёрлиғига тушиб қолгани эътиқодчиларнинг диний туйғуларини ҳақоратлаши мумкин, — деди депутат Ҳамид Ресеий. — Айниқса, Эрондаги мусулмон аҳолига спиртли ичимлик истеъмол қилиш тақиқланишини ҳисобга олганда».