AQSh sobiq birinchi xonimi va davlat kotibi Xillari Klintonning aytishicha, AQSh Germaniyadan o‘rnak olib, davlat tepasiga ayol rahbarni qo‘yishi kerak. Bu haqda “RIA Novosti” xabar berdi.
Germaniyaning Stern jurnaliga intervyu berar ekan, Klinton: “Biz bu masalada siz — Germaniyadan ancha orqadamiz, — dedi. — Men AQShni yaqin vaqt ichida ayol kishi boshqarishini xohlardim, buning uchun esa qo‘limdan kelganini qilaman”. U buning o‘zi bo‘lishiga ishonchi komil emasligini ham qo‘shib qo‘ydi.
Xillari Klinton Amerika maxsus xizmatining GFR hududida josuslik qilgani va Angela Merkel telefonini tinglagani Germaniya aholisi noroziligiga sabab bo‘lganini tushunishini aytdi. “Men ham bunday vaziyatda xuddi ulardek g‘azablangan bo‘lardim. Ittfoqdoshimdan zudlik bilan maxfiy kuzatuvni to‘xtatishini talab qilgan bo‘lardim”, — dedi u.
Izoh (0)