Sony компанияси 10 июнь куни Тайванда ўзининг Xperia ZL2 флагман смартфонининг модификацияси — Xperia Z2a’ни тақдим этди. Бу ҳақда Mail.ru хабар берди.
Xperia ZL2 фақатгина Япониянинг KDDI оператори учун мўлжалланган бўлса, янги смартфон глобал истеъмол учун чиқарилди.
Sony Xperia Z2a 5 дюймли дисплей, 3000 мА/с сиғимидаги аккумулятор, 3 Гб тезкор, 16 Гб (+microSD) ички хотирага эга бўлди. Аккумулятор сиғимининг ошгани (2370 мА/с эди) ҳамда сув ва чангдан ҳимоя пайдо бўлгани учун қурилма ўлчамлари ҳам катталашиб, 137×72×10,8 мм, оғирлиги 167 граммни ташкил қилди.
Бундан ташқари, янги смартфон тўрт ядроли Qualcomm Snapdragon 801 процессори ва 20,7 мегапикселли камера билан жиҳозланган. У Android 4.4 KitKat операцион тизимида ишлайди.
Изоҳ (0)