Маҳаллий Global Solutions компанияси Business Info мобил дастури ишлаб чиқилгани ҳақида хабар берди, деб ёзади Mobinfo.uz. У Ўзбекистон Республикаси Савдо-саноат палатаси билан ҳамкорликда тадбиркорлар учун яратилган.
Бепул Android-дастур онлайн-справочник бўлиб, тадбиркорларга бизнес ва савдо соҳасидаги муаммоларни ечишга ёрдам беради, шунингдек, фойдаланувчиларга Савдо-саноат палатаси фаолияти ҳақида консультация беради.
Дастурда Ўзбекистонда тадбиркорлик фаолиятини олиб бориш ҳақида батафсил маълумот берилган. У biznesinfo.uz манбасига бириктирилган бўлиб юклаб олиш учун рўйхатдан ўтиш талаб этилмайди. Шунингдек, дастурни Google Play’да ҳам юклаб олиш мумкин.
Business Info дастури орқали республика ҳудудида ўтказилаётган тендерлар, бўш иш ўринлари ярмаркалари ва бизнес кўргазмалардан хабардор бўлиш мумкин. Ташкилотингиз қачон текширилишидан ҳам дастур сизни огоҳ қилади.
Изоҳ (0)