Nokia Lumia 630 Тошкентда 700 минг сўмдан сотила бошлади

Ўзбекистонда Windows Phone 8.1 операцион тизимида ва бир йўла икки SIM-картада ишловчи биринчи Nokia смартфони сотила бошлади. Апрель бошида тақдим этилган Nokia Lumia 630’ни энди мамлакатимизда ҳам учратиш мумкин бўлди. Бу ҳақда Mobinfo.uz хабар берди.

Lumia 630 тўрт ядроли Qualcomm Snapdragon 400 процессори, 4,5 дюймли ClearBlack экрани, 5 мегапикселли камера, 512 Мб тезкор, 8 Гб (+microSD) ички хотирага эга.

Телефон аккумулятори 1830 мА/с сиғимига эга бўлиб, 3G тармоғида 13,1 соат суҳбатни «кўтара» олади.

Тошкентдаги «Флешка» савдо мажмуасида Nokia Lumia 630’ни 700 минг сўмга харид қилиш мумкин.