ZTE компанияси ўзининг Nubia линейкасини тўлдиришда давом этмоқда, дея хабар берди Mail.ru. Яқинда ZTE Nubia Z7 смартфони тақдим этилади.
Оқ ҳамда қора рангларда чиқариладиган қурилма корпуси пластикдан ишланади, четлари металл рамкадан иборат бўлади. Смартфон 5 дюймли 1920×1080 пикселли дисплей, тўрт ядроли Qualcomm Snapdragon 805 процессори, 3 Гб тезкор хотира, 16 мегапикселли камерага эга бўлади. Nubia Z7 2777 юан (бир миллион сўмдан ошиқ)га сотилиши кутилмоқда.
Янги смартфон шу ой охиригача тақдим этилиши мумкин.
Изоҳ (0)