Исроилнинг янги сайланган президенти Руеван Ривлин смартфоннинг олд камераси орқали ўзининг асосий рақибларидан бири – Кнессет тарихидаги илк спикер аёл Далия Ицик билан «селфи»га тушди. Бу ҳақда АҚШнинг CNN телеканалига асосланиб, Kun.uz хабар бермоқда.
Ицик сайловларнинг биринчи тури якунларига кўра президентлик пойгасидан чиқиб кетган эди. Олий адолат судининг истеъфодаги судьяси Далия Дорнер ва кимё соҳасидаги Нобель мукофоти лауреати Дана Шехтман ҳам сайловларда муваффақиятсизликка учраганди.
Ривлиннинг энг яқин таъқибчиси – сўл-марказчи «Ҳа-Тнуа» ҳаракатидан сайланган депутат, собиқ молия, ички ишлар ва адлия вазири Меир Шитрит сайлов давомида 119 овоздан 53 тасини олганди. Ривлинни эса паламентнинг 63 аъзоси қўллаб-қувватлаганди.
Аввал хабар берилганидек, Исроил президенти ўрнида Ривлин тинчлик йўналишида Нобель мукофоти соҳиби – Шимон Пересни алмаштиради. Переснинг етти йиллик ваколати 2014 йилнинг июлида якунига етади.
Изоҳ (0)