Россия президенти интернет-сервис орқали олти мингта кўчат сотиб олди

Россия президенти Владимир Путин «Мешчера» миллий боғидаги ўрмонни қайта тиклаш ишида қатнашди. Бу ҳақда Kun.uz хабар бермоқда.

Хабар беришларича, Россия давлат раҳбари интернетдаги махсус сервис ёрдамида олти мингта кўчат сотиб олган – ушбу кўчатлар яқин вақт ичида миллий боққа ўтқазиб чиқилади.

Путинга ушбу имкониятни Россиядаги Интернет-ташаббусларни қўллаб-қувватлаш жамғармаси томонидан кўмак берилаётган «стартап-лойиҳалар»дан бири – «Маракуя» тақдим этган.

Ушбу сервис жаҳоннинг исталган қисмида истиқомат қилаётган одамга жаҳоннинг исталган бошқа жойидаги табиий офат, касаллик ёки зараркунанда ҳашаротлардан жабр кўрган ўрмонларга ёрдам бериш имконини тақдим этади.

Сервис ёрдамида келишув тугалланганидан сўнг, президент ёрдамчиси стартап эгасини пуллар яқин вақт ичида ўтказиб берилишини таъкидлади.

Бироқ Путин бундай ёрдамдан воз кечди. «Мен ўз ўрмоним учун ўзим тўлайман», – дея қайд этди Россия президенти.