АҚШ преизденти Барак Обама Оқ уйдаги ўз қароргоҳи яқинида жойлашган қаҳвахонага пиёда жўнаб, қатъий соқчилик протоколини бузди, дея хабар берди «РИА Новости».
Обама ва унинг маъмурияти раҳбари Денис Макдоноу Оқ уй дарвозасидан чиқиб Пенсильвания-авеню бўйлаб яқиндаги Starbucks қаҳвахонасига йўл олган. Тахминан 8 дақиқадан сўнг Обама қўлида битта картон стакан, Макдоноу эса иккита шундай стакан билан қаҳвахонадан чиқиб келган. Уларнинг ҳар иккаласи ҳам 30 даражали ҳароратда иссиқ ичимлик танлаган, бироқ улар айнан нима ичгани номаълум.
Қаҳвахонага кетиш йўлида Обама йўловчилар билан қўл бериб кўришди. Уни қуролланган соқчилар кузатиб боришди.
Изоҳ (0)