«Дарё» интернет-нашрининг iPhone учун дастури App Store'даги «Атрофимдаги оммабоп дастурлар» (Popular Near Me) қаторидан ўрин олди. «Бу дастурнинг Ўзбекистонда оммалашаётганидан далолатдир», — дейди лойиҳа раҳбари Фарҳод Файзуллаев.
«Атрофимдаги оммабоп дастурлар» рўйхатидан, «Дарё» дастуридан ташқари, яна уч дастур: Afisha Media компаниясининг Afisha Mobile ва Gazeta.uz ва Global Solutions'нинг Tashkent Air иловаси ўрин олган.
iTunes Connect хизмати статистикасида қайд этилишича, 9 июнь ҳолатига кўра «Дарё»нинг iOS операцион тизимига мўлжалланган дастури 2000 мартадан ортиқ юклаб олинган. 5 июнь куни дастур янгиланиб, янгиликларни нафақат лотин, балки кирилл алифбосида ҳам ўқиш имконияти яратилди.
Эслатиб ўтамиз, «Дарё» нашрининг iOS қурилмалари учун дастурини 1 майдан бошлаб Apple’нинг мобил дастурлар дўкони — App Store’дан юклаб олиш мумкин.
Бундан ташқари, март ойида «Дарё»нинг Android-смартфонлар учун дастури тақдим этилган эди. Шу кунга қадар дастур 9000 марта юклаб олинди ва Play Store’да 336 киши унга аъло баҳо берди. Нашрнинг Android-смартфонлар учун дастурини Google Play дўконидан юклаб олиш мумкин.
Изоҳ (0)