Mahalliy Global Solutions kompaniyasi Business Info mobil dasturi ishlab chiqilgani haqida xabar berdi, deb yozadi Mobinfo.uz. U O‘zbekiston Respublikasi Savdo-sanoat palatasi bilan hamkorlikda tadbirkorlar uchun yaratilgan.
Bepul Android-dastur onlayn-spravochnik bo‘lib, tadbirkorlarga biznes va savdo sohasidagi muammolarni yechishga yordam beradi, shuningdek, foydalanuvchilarga Savdo-sanoat palatasi faoliyati haqida konsultatsiya beradi.
Dasturda O‘zbekistonda tadbirkorlik faoliyatini olib borish haqida batafsil ma’lumot berilgan. U biznesinfo.uz manbasiga biriktirilgan bo‘lib yuklab olish uchun ro‘yxatdan o‘tish talab etilmaydi. Shuningdek, dasturni Google Play’da ham yuklab olish mumkin.
Business Info dasturi orqali respublika hududida o‘tkazilayotgan tenderlar, bo‘sh ish o‘rinlari yarmarkalari va biznes ko‘rgazmalardan xabardor bo‘lish mumkin. Tashkilotingiz qachon tekshirilishidan ham dastur sizni ogoh qiladi.
Izoh (0)