Англиядаги энг йирик Хитроу аэропортининг янги 2-терминали «ақлли» ҳожатхоналар билан жиҳозланди. Улар EuroTech ва Intel компаниялари томонидан ишлаб чиқарилган. Бу ердаги ҳожатхона кабинкалари ташриф буюрувчиларни санаб, фаррошларни «хабардор қилади». Бу ҳақда Mail.ru хабар берди.
Кабинкаларга ўрнатилган сенсорлар ёрдамида ташриф буюрувчилар сони аниқланади, у дастурлаштирилган миқдорга етгач, фаррошларга хабар берилади. Бу ҳожатхонани тоза сақлашга ёрдам беради. Бундан ташқари, у орқали қайси кабинкалар ташриф буюрувчилар орасида оммабоплигини аниқлаш мумкин. Бундай маълумот асосида Хитроу йўловчилари учун янада қулайлик яратиш мумкин бўлади.
Ҳожатхонадаги сенсорлар ёрдамида фаррошлар ҳам назорат қилинади. Сенсорлар фаррошнинг қачон кабинкани тозалагани, бунга қанча вақт кетгани ҳақида маъмуриятга хабар бериб туради.
Изоҳ (0)