Ганалик афсунгар Нана Кваку Бонсам Португалия термаси ҳужумчиси Криштиану Роналду жароҳатига ўзининг сабабчи эканини маълум қилди, деб ёзади The Guardian.
«Тўрт ой аввал Криштианунинг мундиалга боришига йўл қўймаслигимни айтган эдим, — деди у. — Бугун унинг тиззаси оғрияпти, эртага сони, кейин бошқа аъзолари ҳам оғриб қолади. Ҳеч қайси шифокор Роналдуни даволай олмайди».
Бонсам ҳаттоки, «ўзгача руҳ» яратишда фойдаланиш учун тўртта ит топиб келганини айтиб, бунга жиддий киришганини таъкидлаган.
Нашрнинг қайд этишича, Бонсам Гананинг энг нуфузли афсунгари ҳисобланади. «Роналдуга барглар қайнатмаси ва худо томонидан юборилган махсус кукун ёрдамида кинна солдим», — деди у.
Май охирида Роналдунинг тизза ости пайлари шамоллаб қолди. 15 июнгача жароҳатини даволамаса, у бошқа ўйинчи билан алмаштирилади. Таъкидлаш жоиз, Бразилиядаги жаҳон чемпионати гуруҳ раундида Португалия АҚШ, Германия ва Гана термалари билан ўйнайди.
Изоҳ (0)