Ganalik afsungar Nana Kvaku Bonsam Portugaliya termasi hujumchisi Krishtianu Ronaldu jarohatiga o‘zining sababchi ekanini ma’lum qildi, deb yozadi The Guardian.
“To‘rt oy avval Krishtianuning mundialga borishiga yo‘l qo‘ymasligimni aytgan edim, — dedi u. — Bugun uning tizzasi og‘riyapti, ertaga soni, keyin boshqa a’zolari ham og‘rib qoladi. Hech qaysi shifokor Ronalduni davolay olmaydi”.
Bonsam hattoki, “o‘zgacha ruh” yaratishda foydalanish uchun to‘rtta it topib kelganini aytib, bunga jiddiy kirishganini ta’kidlagan.
Nashrning qayd etishicha, Bonsam Gananing eng nufuzli afsungari hisoblanadi. “Ronalduga barglar qaynatmasi va xudo tomonidan yuborilgan maxsus kukun yordamida kinna soldim”, — dedi u.
May oxirida Ronalduning tizza osti paylari shamollab qoldi. 15-iyungacha jarohatini davolamasa, u boshqa o‘yinchi bilan almashtiriladi. Ta’kidlash joiz, Braziliyadagi jahon chempionati guruh raundida Portugaliya AQSh, Germaniya va Gana termalari bilan o‘ynaydi.
Izoh (0)