WBA версиясига кўра супероғир вазн бўйича собиқ жаҳон чемпиони Руслан Чагаев кейинги жангни Чеченистонда ўтказади. У 7 июнда Грозний шаҳридаги «Аҳмад Арена»да бўлиб ўтади. Бу ҳақда «Анонс» нашри хабар берди.
Ўзбекистон вакили сифатида рингга тушадиган Чагаев WBA рейтингидаги топ ўнталикка кирган боксчи Фрес Окендо билан беллашади. Мусобақа ғолиби WBA’нинг доимий чемпиони номига эга бўлади.
Фрес Окендо 1997 йилдан буён профессионал бокс билан шуғулланади. У 43 марта рингга тушиб, 36 тасини ютган, уларнинг 23 тасида нокаут билан ғалаба қозонган.
Нашрнинг эслатишича, Бутунжаҳон бокс ассоциациясининг янги рейтингида Руслан Чагаев иккинчи ўринни эгаллаган.
Изоҳ (0)