Саудия Арабистонида яна 15 кишининг коронавирусни юқтириб олгани қайд этилди. Қиролликда ушбу вирусга чалинганларнинг умумий сони 411 киши ташкил қилди. Бу ҳақда Саудия Арабистони соғлиқни сақлаш вазирлиги маълумотига таяниб, «ИTАР-ТАСС» хабар берди.
Мамлакатнинг ўзида ушбу вирусдан 112 киши вафот этган. Қиролликдан келаётган бундай ахборот жиддий хавфсирашларга сабаб бўлмоқда, чунки июлда Рамазон ойи бошланиб, қиролликка ҳаж зиёрати учун юз минглаб мусулмонлар дунёнинг турли бурчакларидан ташриф буюради.
Аввалроқ Мисрнинг дунёдаги энг йирик Ислом университети бўлмиш Ал-Азҳар мутахассислари Саудия Арабистонига ҳаж зиёратларини кейинга қолдириш таклифи билан чиқди.
Ушбу хавфли вирус илк бор 2012 йил сентябрда Саудия Арабистони ҳудудида аниқланган. Мутахассислар бир ўркачли туялар вируснинг манбаси бўлиб хизмат қилганини тахмин этмоқда.
Коронавирус билан заҳарланиш ҳолатлари Франция, Германия, Иордания ва Буюк Британияда ҳам қайд этилган.