Республикачи сенатор Жон Маккейн Inter телеканали эфирида Украинага 100 миллион долларлик ҳарбий кўмак бериш нияти ҳақида маълум қилди. Бу ҳақда gazeta.ru хабар берди.
Унинг айтишича, америкалик сенаторлар гуруҳи Украинага нафақат молиявий ёрдам, балки «Россия тажовузига қарши ҳаракат учун воситалар» тақдим этиш ҳуқуқини берувчи қонунни тайёрламоқда.
«Биз Путинга, агарда Украина шарқи ёки жанубини эгаллаб олмоқчи бўлса, бунинг учун яхшигина жавоб беришини тушунтирмоқчимиз», — дея таъкидлади сенатор.
У Россиянинг нафақат Украина шарқи, балки жануби, Молдова ва Приднестровьени ҳам қўшиб олиш ҳақида бош қотираётганини айтди. АҚШнинг бундай тажовузга тайёрлигини қайд этиб, «Россия бутунлай изоляция қилиниши»ни таъкидлади.
«Биз Россия ўз қўшинларини олиб чиқиб кетиши, Қрим статусини тиклаш учун ҳаракат қиламиз. Биз сизни ташлаб қўймаймиз», — дея ўз сўзини якунлади Жон Маккейн.
Изоҳ (0)