5 майга ўтар кечаси АҚШнинг Род-Айленд штати циркидаги намойиш чоғида саккиз нафар акробат қиз ўн метр баландликдан қулаб тушди. Бунга синган саҳна ускунаси сабаб бўлди. Натижада акробатлардан ташқари яна бир цирк артисти жароҳатланди. Бу ҳақда Interfax хабар берди.
Акробатлар шифохонага ётқизилган, уларнинг барчасига турли синиш ташхислари қўйилган.
Циркнинг ушбу сонида махсус конструкция қизларни сочларидан ушлаб, юқорига кўтариши керак эди. Дастлабки маълумотларга кўра, ушбу конструкция бириктирилган занжир узилиб кетган ва қизлар саҳнада қолган тўққизинчи иштирокчи устига қулаб тушган.
Гувоҳларнинг сўларига кўра, воқеалар томошабинлар ваҳимасига сабаб бўлган. Цирк раҳбарияти намойишни тўхтатиб, одамларни эвакуация қилган. Шу куни циркка тўрт минг киши ташриф буюрган.
Полициянинг таъкидлашича, намойиш ташкилотчилари ускунанинг носозлиги бўйича жавоб беради. Бироқ циркдагилар ускунадан фойдаланиш учун рухсатнома борлигини, занжир ҳам, ускуна ҳам ҳар намойиш олдидан текширилишини маълум қилган.
Изоҳ (0)