Жанубий Кореядаги «Севол» пароми ҳалокатида қурбон бўлганлар сони 244 тага етгани тасдиқланди. Бу ҳақда Interfax хабар берди.
Аввалроқ 242 нафар қурбон ҳақида маълум бўлган эди.
Кемада жами 476 нафар йўловчи бўлган, 174 киши қутқариб қолинган, яна 58 киши эса бедарак йўқолган деб гумон қилинмоқда.
«Севол» пароми 16 апрель куни Жанубий Корея қирғоқлари яқинида ҳалокатга учраган эди. Омон қолганларнинг сўзларига кўра, кема ҳалокатга учраганидан сўнг экипаж йўловчиларни эвакуация қилиш учун ҳеч қандай чоралар кўрмай, фақат хотиржамликка чақирган. Бундан ташқари, чўкаётган кемадан биринчи фалокат сигнали паром экипажидан эмас, балки қўрқиб кетган боладан келган. Шундан сўнг қутқарув хизматлари кемадаги болалардан яна 20 та шошилинч хабар қабул қилган.
Ҳозирги вақтда кема экипажининг барча аъзолари ҳибсга олинган, улар масъулиятсизлик ҳамда денгиз ва дарёларда қутқариш ҳамда ёрдам бериш тўғрисидаги қонун талабларини бузганликда айбланмоқда. Кеманинг 68 ёшли капитани Ли Чжун Сок умрбод қамоқ жазосига ҳукм қилиниши мумкин.
Изоҳ (0)