Toshkentda 4 ta transport vositasi ishtirokida YTH sodir bo‘ldi

Toshkent shahar IIBB Yo‘l harakati xavfsizligi boshqarmasi Yakkasaroy tumanida sodir bo‘lgan yo‘l-transport hodisasi bo‘yicha maʼlumot berdi.

Qayd etilishicha, 13-may kuni soat 18:00 larda Yakkasaroy tumani Shota Rustavelli ko‘chasida 52 yoshli M.T. boshqaruvidagi Matiz, 26 yoshli A.A. boshqaruvidagi Lacetti, 42 yoshli R.A. boshqaruvidagi Spark hamda 28 yoshli S.D. boshqaruvida bo‘lgan Isuzu rusumli avtomashinalar ishtirokida YTH sodir bo‘lgan. 

Hodisa oqibatida ikki nafar fuqaro tan jarohati olgan. E’lon qilingan suratlardan ko‘rish mumkinki, taksi xizmati bilan shug‘ullangan Matiz avtomobili ag‘darilib ketgan.

Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.

Bundan oldin Toshkentda sodir bo‘lgan yo‘l-transport hodisasi oqibatida bir kishi vafot etgani, Surxondaryoda odam o‘limi bilan bog‘liq avariya sodir bo‘lgani, Toshkentda Tesla hamda Lacetti bir-biri bilan to‘qnashgani to‘g‘risida xabar berilgandi.