Davlat rahbari Qorako‘l tumanida jamoatchilik vakillari bilan suhbatlashdi. Bu haqda Prezident matbuot xizmati xabar berdi.
Qayd etilishicha, buxorolik nuroniylar ijtimoiy davlat tamoyili asosida joylarda inson manfaatlari ta’minlanayotganini aytdi. Zamonaviy maktab va institutlar tashkil etilib, bolalar ta’lim-tarbiyasiga imkoniyatlar kengaymoqda. Aholining salomatligi doimiy nazoratda.
Iqtisodiy-ijtimoiy dasturlar natijasida tumanlarga sanoat kirib borayapti, mahallalar obod bo‘lmoqda. Tadbirkorlik va o‘zini o‘zi band qilishga keng yo‘l ochilgan. Sayxunobod tajribasi asosida iqtisodiy kompleks tashkilotlari kambag‘al oilalar bilan manzilli ishlab, ularning daromad topishiga ko‘maklashmoqda.
Tomorqalardan samarali foydalanilyapti. Bular mamlakatdagi to‘kinlik va farovonlik, ijtimoiy muhit barqarorligini yanada mustahkamlayotgani ta’kidlandi. Nuroniylar Buxoroda ishga tushirilayotgan va qurilayotgan korxonalarning aholi bandligidagi ahamiyatini qayd etib, davlat rahbariga minnatdorlik bildirdi.
Izoh (0)