Prezident yordamchisi Saida Mirziyoyeva Milliy kino saroyida davlat rahbarining tashabbusi bilan suratga olingan “Bahodir Yalangto‘sh” tarixiy-badiiy filmining premyerasida ishtirok etdi.
Film Ashtarxoniylar davrida (XVII asr) yashab o‘tgan buyuk sarkarda, ilm-fan homiysi, dunyoga mashhur Registon maydonining asoschisi Amir Bahodir Yalangto‘shga bag‘ishlangan. Unda Yalangto‘shning hayoti, siyosiy faoliyati, qahramonliklari haqida hikoya qilinadi.
Filmni tomosha qilar ekanman, ulug‘ Amir Yalangto‘shning hayot yo‘li barchaga, xususan, yoshlarimizga haqiqiy ibratdir, degan o‘y xayolimdan o‘tdi.
Jahongir Ahmedov boshchiligidagi ijodiy guruhning oldiga kino orqali tariximizni dunyoga yanada tanitish, xalqimizning milliy g‘ururini ko‘tarish kabi ezgu vazifalar qo‘yilgan edi. Nazarimda, “Bahodir Yalangto‘sh” filmi bu masʼuliyatli missiyani bajara oladi. Film ijodkorlarini samimiy tabriklayman, — deb yozadi Saida Mirziyoyeva.
Eslatib o‘tamiz, 2022-yil dekabrda rejissyor Jahongir Ahmedov Registon majmuasi yaratuvchisi — Bahodir Yalangto‘sh haqida tarixiy film suratga olayotgani to‘g‘risida xabar berilgandi.
Izoh (0)