O‘zbekiston Superligasining 15-turida Toshkentning “Paxtakor” jamoasi poytaxtdagi “Jar” stadionida Namanganning “Navbahor” klubini qabul qildi.
Turning markaziy uchrashuvi deya eʼtirof etilgan o‘yinda mezbonlar 22-daqiqada braziliyalik Flamarionning goli tufayli oldinga chiqib oldi. Mehmonlar birinchi bo‘limning o‘zida holatni o‘nglashi mumkin edi, biroq hakam Alisher Odilovning golini hisobga olmadi.
Ikkinchi bo‘limning 65-daqiqasida mezbonlar hujumchisi Igor Sergeyev “Navbahor” darvozaboni Umid Ergashevning qo‘pol xatosidan foydalanib, hisobning 2:0 ko‘rinishiga kelishini taʼminladi.
Mehmonlar ikkinchi bo‘limda o‘yinda o‘zgarishlar yasash uchun bir necha o‘yinchilarni almashtirdi, shiddatli hujumlar tashkil etdi. Bunday hujumlardan so‘ng to‘p ikki bor “Paxtakor” darvozasi ustuniga tegib qaytgan bo‘lsa ham yakuniy hisob o‘zgarmadi.
“Daryo” “Paxtakor” va “Navbahor” o‘rtasidagi o‘yindan fotogalereya tayyorladi.
Izoh (0)