Navoiy innovatsiyalar universiteti 2025-2026-o‘quv yili uchun abituriyentlar va iqtidorli yoshlarni qo‘llab-quvvatlash maqsadida umumiy qiymati 2 milliard so‘mlik grant dasturini e’lon qildi. Bu dastur universitetda o‘qishni xohlagan, lekin moliyaviy imkoniyati cheklangan abituriyentlar uchun keng imkoniyatlar yaratadi.
Universitetning rasmiy ma’lumotiga ko‘ra, grant asosida o‘qishga qabul qilingan talabalar uchun endilikda qo‘shimcha rag‘batlantiruvchi stipendiyalar tizimi ham joriy etilgan. Ushbu tizim orqali grant yutgan talabalar yil davomida 6 million so‘mgacha miqdorda stipendiya olish imkoniyatiga ega bo‘ladi.
Mazkur tashabbus orqali biz iqtidorli yoshlarni moddiy va ma’naviy jihatdan qo‘llab-quvvatlashni, ularning salohiyatini to‘liq namoyon etishiga sharoit yaratishni maqsad qilganmiz. Universitetda taqdim etilayotgan ta’lim sifatiga mutlaqo ishonch bildiramiz va yoshlarni innovatsion fikrlashga yo‘naltirishni ustuvor vazifa deb bilamiz, deyiladi universitet bayonotida.
Grant va stipendiya kimlarga mo‘ljallangan?
Grant dasturida ishtirok etish barcha abituriyentlar uchun ochiq bo‘lib, tanlov asosida amalga oshiriladi. Universitetga kirish istagida bo‘lgan, yuqori bilim va salohiyatga ega yoshlar kunduzgi va kechki ta’lim shakllari uchun ariza topshirishlari mumkin. Stipendiyalar esa grant asosida o‘qishga qabul qilingan talabalar orasida o‘qishdagi faollik, reyting ko‘rsatkichlari va tashabbuskorlik darajasiga qarab belgilanadi.
Ta’lim sifati va imkoniyatlar
Navoiy Innovatsiyalar Universitetida:
— 18 ta bakalavriat yo‘nalishi va 3 ta magistratura mutaxassisliklari mavjud;
— O‘quv jarayonlari zamonaviy pedagogik texnologiyalar asosida olib boriladi;
— Davlat namunasidagi diplom taqdim etiladi;
— Ta’lim jarayoni Navoiy va Surxondaryo viloyatlaridagi kampuslarda tashkil etilgan.
Universitetda dars beruvchi pedagoglar orasida tajribali professor-o‘qituvchilar va xorijiy ekspertlar mavjud bo‘lib, ta’lim dasturlari mehnat bozoridagi ehtiyojlar va innovatsion texnologiyalarni hisobga olgan holda shakllantirilgan.
Qabul jarayoni va ro‘yxatdan o‘tish
Abituriyentlar onlayn ro‘yxatdan o‘tish orqali qabul jarayonida ishtirok etishlari mumkin. Buning uchun universitetning rasmiy sayti orqali ariza topshirish kifoya.
Qo‘shimcha ma’lumotlar uchun universitetning call-markaziga murojaat qilish mumkin:
Telefon: +998 55 500 00 43
Manzillar:
- Navoiy viloyati, Karmana tumani, Toshkent ko‘chasi, 39-uy
- Surxondaryo viloyati, Sho‘rchi tumani, “Oqkamar” MFY, Mustaqillik ko‘chasi, 64-uy
Muhim eslatma:
Navoiy innovatsiyalar universiteti tomonidan taqdim etilayotgan ushbu imkoniyatlar mamlakatda ta'lim tizimini rivojlantirish, yosh avlodning bilimga bo‘lgan qiziqishini rag‘batlantirish hamda ijtimoiy tenglikni ta'minlash yo‘lida muhim qadam sifatida baholanmoqda.
Izoh (0)