Навоий инновациялар университети 2025-2026-ўқув йили учун абитуриентлар ва иқтидорли ёшларни қўллаб-қувватлаш мақсадида умумий қиймати 2 миллиард сўмлик грант дастурини эълон қилди. Бу дастур университетда ўқишни хоҳлаган, лекин молиявий имконияти чекланган абитуриентлар учун кенг имкониятлар яратади.
Университетнинг расмий маълумотига кўра, грант асосида ўқишга қабул қилинган талабалар учун эндиликда қўшимча рағбатлантирувчи стипендиялар тизими ҳам жорий этилган. Ушбу тизим орқали грант ютган талабалар йил давомида 6 миллион сўмгача миқдорда стипендия олиш имкониятига эга бўлади.
Мазкур ташаббус орқали биз иқтидорли ёшларни моддий ва маънавий жиҳатдан қўллаб-қувватлашни, уларнинг салоҳиятини тўлиқ намоён этишига шароит яратишни мақсад қилганмиз. Университетда тақдим этилаётган таълим сифатига мутлақо ишонч билдирамиз ва ёшларни инновацион фикрлашга йўналтиришни устувор вазифа деб биламиз, дейилади университет баёнотида.
Грант ва стипендия кимларга мўлжалланган?
Грант дастурида иштирок этиш барча абитуриентлар учун очиқ бўлиб, танлов асосида амалга оширилади. Университетга кириш истагида бўлган, юқори билим ва салоҳиятга эга ёшлар кундузги ва кечки таълим шакллари учун ариза топширишлари мумкин. Стипендиялар эса грант асосида ўқишга қабул қилинган талабалар орасида ўқишдаги фаоллик, рейтинг кўрсаткичлари ва ташаббускорлик даражасига қараб белгиланади.
Таълим сифати ва имкониятлар
Навоий Инновациялар Университетида:
— 18 та бакалавриат йўналиши ва 3 та магистратура мутахассисликлари мавжуд;
— Ўқув жараёнлари замонавий педагогик технологиялар асосида олиб борилади;
— Давлат намунасидаги диплом тақдим этилади;
— Таълим жараёни Навоий ва Сурхондарё вилоятларидаги кампусларда ташкил этилган.
Университетда дарс берувчи педагоглар орасида тажрибали профессор-ўқитувчилар ва хорижий экспертлар мавжуд бўлиб, таълим дастурлари меҳнат бозоридаги эҳтиёжлар ва инновацион технологияларни ҳисобга олган ҳолда шакллантирилган.
Қабул жараёни ва рўйхатдан ўтиш
Абитуриентлар онлайн рўйхатдан ўтиш орқали қабул жараёнида иштирок этишлари мумкин. Бунинг учун университетнинг расмий сайти орқали ариза топшириш кифоя.
Қўшимча маълумотлар учун университетнинг cалл-марказига мурожаат қилиш мумкин:
Телефон: +998 55 500 00 43
Манзиллар:
- Навоий вилояти, Кармана тумани, Тошкент кўчаси, 39-уй
- Сурхондарё вилояти, Шўрчи тумани, “Оқкамар” МФЙ, Мустақиллик кўчаси, 64-уй
Муҳим эслатма:
Навоий инновациялар университети томонидан тақдим этилаётган ушбу имкониятлар мамлакатда таълим тизимини ривожлантириш, ёш авлоднинг билимга бўлган қизиқишини рағбатлантириш ҳамда ижтимоий тенгликни таъминлаш йўлида муҳим қадам сифатида баҳоланмоқда.
Изоҳ (0)