“Hududiy elektr tarmoqlari” AJ tomonidan yangi HET BILLING dasturiy kompleksi to‘liq ishga tushirildi. Bu haqda AJ matbuot xizmati xabar berdi.
Ayni paytda isteʼmolchilar elektr energiyasi uchun onlayn to‘lovlarni amalga oshirishi hamda shaxsiy hisob raqamdagi mavjud maʼlumotlarni kuzatib borishi mumkin.
Yangilangan tizim orqali isteʼmolchilar bevosita o‘zi isteʼmol qilgan elektr energiyasi hisobi, xususan, to‘lov maʼlumotlari, kunlik elektr energiya isteʼmoli va boshqa har qanday maʼlumotni onlayn tarzda kuzatib borish imkoni yaratildi.
“Mazkur tizimni joriy etish bir qancha texnik jarayonlarni o‘z ichiga olganligi sababli tizimni bosqichma-bosqich ishga tushirish ishlari olib borildi va kutilganidan ortiq vaqt talab etildi. Yetkazilgan noqulayliklar uchun isteʼmolchilardan uzr so‘raymiz”, deyiladi xabarda.
Izoh (0)