Qozog‘istonning Ostona shahri 28-iyundan 7-iyulgacha World Boxing tashkiloti kubogi bahslarining navbatdagi bosqichiga mezbonlik qildi. Bu safar ushbu musobaqada O‘zbekiston ayollar terma jamoasi ishtirok etdi. Mazkur turnirda Elshod Rasulov murabbiyligida 9 nafar o‘zbekistonlik sportchi qatnashib, 1 ta oltin va 4 ta bronza medaliga ega chiqdi.
O‘zbekiston terma jamoasi sharafini quyidagi sportchilar himoya qildi:
- -48 kg — Farzona Fozilova
- -51 kg — Sabina Boboqulova
- -54 kg — Feruza Kazakova
- -57 kg — Xumora Ma'majonova
- -60 kg — Sitora Turdibekova
- -65 kg — Navbahor Hamidova
- -75 kg — Aziza Zokirova
- -80 kg — Sohiba Ro‘zmetova
- +80 kg — Oltinoy Sotimboyeva
Musobaqa yakunlariga ko‘ra, O‘zbekiston sharafini himoya qilgan 5 nafar bokschi qiz g‘olib va sovrindorlar qatoridan joy oldi. Xususan, -65 kg vazn toifasida ringga chiqqan Navbahor Hamidov turkiyalik Olimpiada chempioni va uch karra Jahon chempioni Busenaz Surmenelini 5:0 hisobida mag‘lubiyatga uchratib, oltin medalga ega chiqdi. Shuningdek, -54 kg vazn toifasida Feruza Kazakova, -75 kg vazn toifasida Aziza Zokirova, -80 kg vazn toifasida Sohiba Ro‘zmetova va +80 kg vazn toifasida ringga chiqqan Oltinoy Sotimboyeva kabi bokschilar bronza medaliga ega chiqdi.
G‘olib va sovrindorlar bilan tanishing:
Oltin medal:
- -65 kg — Navbahor Hamidova
Bronza medal:
- -54 kg — Feruza Kazakova
- -75 kg — Aziza Zokirova
- -80 kg — Sohiba Ro‘zmetova
- +80 kg — Oltinoy Sotimboyeva
Shuningdek, Navbahor Hamidova ushbu toifadagi musobaqada oltin medalini qo‘lga kiritgan ilk o‘zbekistonlik bokschi qizga aylandi.
Izoh (0)