Polshaning Varshava shahrida tashkil qilingan World Boxing tashkiloti kubogi ikkinchi bosqichining navbatdagi kunida o‘zbekistonlik 6 nafar bokschi ringga chiqib, ularning barchasi g‘alaba qozondi.
O‘zbekiston tarkibidagi yagona ayol bokschi Xumorabonu Mamajonova -57 kg vazn toifasida bahslarga kirishdi va o‘zining ilk jangida mo‘g‘ilistonlik Michidma Erdenedalaini 5:0 hisobida mag‘lub etdi. -70 kg vaznda ringga chiqqan G‘ofurjon Tohirov ham keyingi bosqichga yo‘l oldi. U kosovalik Shpetim Bajokuni 5:0 hisobida yengdi.
Javohir Ummataliyev (-80) mezbon Nakodem Kozakka hech qanday imkoniyat qoldirmadi — 5:0. Akmaljon Isroilov esa (-85 kg) Uels vakili Daniyel Pittdan 5:0 hisobida ustun keldi. Samandar Olimov (-60 kg) mo‘g‘ilistonlik Enhtur Tegshjargalni dog‘da qoldirgan bo‘lsa (5:0), turnirdagi o‘zining ikkinchi janggini o‘tkazgan Jahongir Zokirov (+90 kg) yana g‘alaba qozondi. Sportchi bu safar turkiyalik Mujahit Ilyasni hakamlarning yakdil qarori bilan mag‘lub etdi.
O‘zbekistonlik bokschilarning qayd etgan natijalari:
-57 kg: Xumorabonu Mamajonova — Michidma Erdenedalai (Mo‘g‘uliston) 5:0
-70 kg: G‘ofurjon Tohirov — Shpetim Bajoku (Kosovo) 5:0
-80 kg: Javohir Ummataliyev — Nikodem Kozak (Polsha) 5:0
-85 kg: Akmaljon Isroilov — Daniyel Pitt (Uels) 5:0
-60 kg: Samandar Olimov — Enkhtur Tegshjargal (Mo‘g‘uliston) 5:0
+90 kg: Jahongir Zokirov — Mujahit Ilyas (Turkiya) 5:0
Musobaqaning 3-kungi dasturlarida 5 nafar o‘zbekistonlik bokschilar ringga chiqishi belgilangan.
Juftliklar bilan tanishing:
-55 kg: Mirazizbek Mirzahalilov — Kory Jones (Uels) 14:45
-65 kg: Asadxo‘ja Mo‘ydinxo‘jayev — Ousainou Hansen (Germaniya) 16:15
-80 kg: Javohir Ummataliyev — Villiam Cholov (Bolgariya) 17:00
-85 kg: Akmaljon Isroilov — Samet Ersoy (Turkiya) 17:30
-75 kg: Fazliddin Erkinboyev — Kauye dos Santos (Braziliya) 22:00
Izoh (0)