2025-yil iyul oyi holatiga ko‘ra, O‘zbekiston aholisining 81,5 foizi markazlashgan ichimlik suvi bilan ta’minlangan. Bu haqda “O‘zsuvtaʼminot” axborot xizmati ma’lumotlarida keltirilgan.
Unga ko‘ra, Toshkent shahri 98,2 foiz ko‘rsatkich bilan yetakchi o‘rinda bo‘lsa, eng quyi natija — Qashqadaryo viloyatida 61,2 foizni tashkil etmoqda.
- Andijon viloyati — 92 foiz;
- Buxoro viloyati — 74,3 foiz;
- Farg‘ona viloyati — 82,5 foiz;
- Jizzax viloyati — 75,3 foiz;
- Navoiy viloyati — 85,8 foiz;
- Namangan viloyati — 87 foiz;
- Qashqadaryo viloyati — 61,2 foiz;
- Samarqand viloyati — 78,6 foiz;
- Surxondaryo viloyati — 66,5 foiz;
- Sirdaryo viloyati — 87,7 foiz;
- Toshkent viloyati— 79,9 foiz;
- Xorazm viloyati — 91,6 foiz;
- Toshkent shahri — 98,4 foiz;
- Qoraqalpog‘iston Respublikasi — 74,2 foiz.
2025-yil boshlarida ham markazlashgan ichimlik suvi bilan ta’minlangan darajasi bo‘yicha Qashqadaryo viloyati so‘nggi o‘rinda edi.
Toshkent shahri tumanlari kesimida ichimlik suvi bilan ta’minlanganlik darajasi quyidagicha:
“O‘zbekiston24” telekanali efirida ma’lum qilinishicha, aholining ichimlik suvi ta’minotini yaxshilashga shu kunga qadar 35 trillion so‘m ajratilgan. Prezident mart oyida o‘tkazgan yig‘ilishda 2025-yilda 1619 kilometr ichimlik suvi tarmoqlari tortilishini ma’lum qilgandi.
Ichimlik suvining sifati qanday bo'lishi kerak?
Ichimlik suvi butun dunyo standartlari bo‘yicha oziq-ovqat mahsuloti sifatida tasniflanadi. U inson salomatligi uchun xavfsiz bo‘lishi uchun laboratoriya sinovlaridan o‘tkaziladi. Birinchi navbatda tanlangan suv manbalari davlat standarti O‘zDSt 951:2011 “Markazlashtirilgan xo‘jalik-ichimlik suvi bilan ta’minlash manbalari, gigiyenik, texnikaviy talablar va tanlash qoidalari” talablariga javob berishi shart. Agar tanlangan suv manbalaridagi sifat ko‘rsatkichlari gigiyenik talablarga javob bermasa, u holda suvlar maxsus tozalash inshootlarida bosqichma-bosqich qayta tozalanadi.
Izoh (0)