Vengriya tashqi ishlar va tashqi iqtisodiy aloqalar vaziri Peter Siyyarto Nyu York okrug prokuraturasi Vengriyaga 1675 yilga oid o‘g‘irlangan yezuit risolasini qaytarganini ma’lum qildi. Marosim videosi uning YouTube kanalida e’lon qilindi.
Ma`lum qilishicha, yakshanba kuni Nyu Yorkda muallifi Zaxariya Traber bo‘lgan “Nervus Opticus Sive Tractatus Theoricus” nomli 350 yillik qo‘lyozmani topshirish marosimi o‘tkazilgan.
Unda ishtirok etgan Peter Siyyarto prokuratura xodimlariga minnatdorchilik bildirgan.
“Biz bu xatti-harakatni yuqori baholaymiz, ayniqsa, bu Vengriyadan o‘g‘irlangan va Nyu York okrug prokuraturasining sa’y-harakatlari bilan vataniga qaytarilgan birinchi antikvar boylik ekanligini hisobga olsak”, deya ta’kidlagan siyosatchi.
Vazirning qo‘shimcha qilishicha, ushbu voqea Amerika ma’muriyati o‘zgarganidan so‘ng Vengriya va Amerika Qo‘shma Shtatlari o‘rtasidagi munosabatlar yaxshilanganini tasdiqlaydi.
Izoh (0)