Ichki ishlar vazirining buyrug‘i bilan polkovnik Olim Saidov boshqa ishga o‘tishi munosabati bilan IIV Jamoat xavfsizligi departamenti Yo‘l harakati xavfsizligi xizmati boshlig‘i lavozimidan ozod etildi. Bu haqda IIV matbuot xizmati xabar berdi.
Olim Saidov 2022-yil yanvarda IIV Jamoat xavfsizligi departamenti boshlig‘i o‘rinbosari — Yo‘l harakati xavfsizligi xizmati boshlig‘i lavozimiga tayinlangan edi. Tayinlovga qadar 2019-yilning noyabridan buyon IIV YHXBB boshlig‘i lavozimida faoliyat yuritayotgandi.
IIV Jamoat xavfsizligi departamenti Yo‘l harakati xavfsizligi xizmati boshlig‘i lavozimiga polkovnik Sherzod Ibragimov tayinlandi.
Tayinlovga qadar u IIV Jamoat xavfsizligi departamenti Jamoat tartibini saqlash xizmati boshlig‘i lavozimida faoliyat yuritgan.
Eslatib o‘tamiz, yanvar oxirlarida prezident tomonidan transport vaziri, uning birinchi o‘rinbosari, YHXX boshlig‘i va “Toshshahartransxizmat” raisiga hayfsan berilgan edi.
Izoh (0)