Polkovnik Abduvohid Ismoilov Qashqadaryo viloyati IIB boshlig‘i etib tayinlandi. Bu haqda viloyat hokimligi matbuot xizmati rahbari xabar berdi.
Abduvohid Ismoilov1965-yilda Jizzax viloyatida tug‘ilgan. Bugungacha u Surxondaryo viloyati IIB boshlig‘i lavozimida ishlab kelayotgan edi.
Viloyat hokimligida o‘tkazilgan tayinlov tadbirida ichki ishlar vaziri Po‘lat Bobojonov ishtirok etdi.
Eslatib o‘tamiz, 2023-yil iyul oxirlarida Farg‘onada prezident boshchiligida bo‘lib o‘tgan yig‘ilishda faoliyatida yo‘l qo‘ygan kamchiliklar uchun Farg‘ona viloyati ichki ishlar boshqarmasi boshlig‘i Muhiddin Jo‘rayev lavozimidan ozod etilgandi. Uning o‘rniga ichki ishlar vaziri o‘rinbosari general-mayor Azizbek Ikramov Farg‘ona viloyati ichki ishlar boshqarmasi boshlig‘i etib tayinlangan.
Avgust oyi boshida esa Nukus shahar bo‘yicha ichki ishlar organlari faoliyati muvofiqlashtirish boshqarmasi boshlig‘i lavozimida ishlagan Ziyauatdin Zaytov Nukus tumani hokimi lavozimiga tasdiqlangan edi.
Izoh (0)