Yo‘lovchilarga qulaylik yaratish maqsadida 2024-yilning 18-iyul kunidan boshlab 730/729-sonli Toshkent—Andijon—Toshkent yo‘nalishida harakatlanuvchi yo‘lovchi poyezd “Quva” bekatida ikki daqiqa to‘xtab o‘tishi yo‘lga qo‘yildi. Bu haqda Transport vazirligi matbuot xizmati xabar berdi.
Poyezd quyidagi jadval asosida harakatlanadi:
730-sonli Toshkent—Andijon yo‘nalishi
- Toshkent 7:55 – Quva 13:49-13:51 – Andijon 14:17.
729-sonli Andijon—Toshkent yo‘nalishi
- Andijon 15:47 – Quva 16:13-16:15 – Toshkent 21:47.
Prezident 12-iyul kungi yig‘ilishda Transport vazirligiga poytaxtdan Andijonga qatnaydigan poyezdlarning Quvada ham to‘xtab o‘tishini ta’minlash topshirig‘ini bergan edi.
Avvalroq Toshkent Markaziy vokzalidan harakatlanib kelayotgan aksariyat poyezdlar 15-iyulidan 15-avgustigacha Toshkent Janubiy vokzalidan qatnovini amalga oshirishi to‘g‘risida xabar berilgandi.
Izoh (0)