Tashqi ishlar vaziri Baxtiyor Saidov Yevropa Ittifoqining O‘zbekistondagi elchisi sifatidagi diplomatik missiyasini yakunlayotgan Sharlott Adrian bilan uchrashdi. Bu haqda TIV rahbari o‘zining Telegram kanali orqali ma’lum qildi.
Elchining yillar davomida O‘zbekiston—Yevropa Ittifoqi ko‘p qirrali munosabatlarini rivojlantirishga qo‘shgan hissasini yuqori baholaymiz. Unga kelgusi faoliyatida muvaffaqiyatlar tilab qolamiz, — deb yozadi Baxtiyor Saidov.
Sharlotta Adrian Yevropa Ittifoqining Toshkentdagi delegatsiyasiga 2021-yil martidan buyon rahbarlik qilayotgandi. Bungacha u YIning Qirg‘izistondagi delegatsiyasida ishlagan.
- Bundan oldin Hindistonning O‘zbekistondagi elchisi o‘z missiyasini yakunlagani to‘g‘risida xabar berilgandi.
- Avvalroq O‘zbekiston elchisi Fariddin Nasriyev Eron prezidentiga ishonch yorliqlarini topshirgan, Jazoirning O‘zbekistondagi yangi elchisi tayinlangan,
- O‘zbekistonning Dubaydagi bosh konsuli missiyasini yakunlagan edi.
Izoh (0)