Qashqadaryo viloyatida 74 marotaba qoidabuzarlik sodir etgan qarzdor fuqaroning qidiruvdagi avtomobili ushlandi. Bu haqda YHXB xabar berdi.
Keltirilishicha, byuro organlari hamda YHXB tomonidan o‘tkazilgan tadbirlar doirasida 74 marotaba yo‘l harakati qoidalarini buzib, jami 43,4 million so‘m qarzdorlikni to‘lamagan fuqaro A.U.ga tegishli qidiruvda bo‘lgan Lacetti topildi.
Mazkur transport vositasi belgilangan tartibda jarima maydonchasiga joylashtirildi.
Bundan avval Andijon viloyatida kuyov xotinining mashinasida 68 marta qoidabuzarlik qilgani aniqlangan edi. Shuningdek, Bo‘stonliqda qalbaki avtoraqam bilan 64 marta qoidabuzarlik sodir etgan Gentra to‘xtatilgan edi.
Toshkentda 174 marotaba qoidabuzarlik sodir etib, jarima to‘lamagan haydovchining Lacetti’si xatlangan.
Toshkent shahar Mirzo Ulug‘bek tumanida 96 marotaba qoidabuzarlik qilgan haydovchi qo‘lga tushgan.
Izoh (0)