Qurbon hayiti bayrami munosabati bilan Toshkent va Samarqand o‘rtasida qo‘shimcha “Afrosiyob” reyslari yo‘lga qo‘yiladi.
Transport vazirligi matbuot xizmatining xabar qilishicha, qatnovlar 5, 6, 7 va 8-iyunda amalga oshiriladi.
Harakat jadvali quyidagicha:
- Samarqand—Toshkent — jo‘nash 10:55 da, yetib kelish 13:15 da;
- Toshkent—Samarqand — jo‘nash 13:56 da, yetib kelish 16:14 da.
O‘zbekistonda 6-iyun kuni Qurbon hayiti bayram sifatida keng nishonlanadi. Prezident qarori bilan 7-iyun, shanba olti kunlik ish haftasi tartibi bo‘yicha ishlaydigan xodimlar uchun qo‘shimcha dam olish kuni etib belgilandi.
Hayit namozida ishtirok etishni rejalashtirayotgan fuqarolar uchun qulaylik yaratish maqsadida Toshkentda jamoat transporti soat 03:00 dan ish boshlaydi.
Izoh (0)