Ispaniyalik mutaxassis Xabi Alonso Madridning “Real” klubi bosh murabbiyiga aylanganidan so‘ng ilk rasmiy uchrashuvini durang natija bilan yakunladi.
Opta Sport statistik portalining xabariga ko‘ra, bu XXI asrda kuzatilayotgan uchinchi holat hisoblanadi. Bungacha yana ikkita mutaxassis o‘zining rasmiy debyutida durang qayd etgan.
Avvalgi shunga o‘xshash holatlar quyidagicha:
- 2010 yilda Joze Mourinyo “Real”dagi ilk o‘yinida “Malyorka” bilan 0:0 hisobida durang o‘ynagan.
- 2015 yilda Rafael Benites ham debyut bahsida “Sporting Xixon” bilan 0:0 hisobida durang o‘ynagan.
Bundan tashqari, bunday vaziyat 1996 yilda, Fabio Kapello boshchiligidagi “Real” bilan ham kuzatilgan. O‘shanda klubi italiyalik mutaxassisning debyutida “Deportivo” bilan 1:1 hisobida durang o‘ynagan edi.
Ma’lumot uchun, 2025-yilgi Klublar o‘rtasidagi Jahon chempionati 1-turida “qirollik klubi” Saudiya Arabistonining “Al-Hilol” jamoasiga qarshi bahs olib bordi va bellashuv 1:1 hisobida yakunlandi.
Xabi Alonso jamoasi navbatdagi uchrashuvini 22-iyun kuni Meksikaning “Pachuka” klubiga qarshi o‘tkazadi.
Izoh (0)