Andijon viloyatida erkak sobiq xotini qarshi bo‘lsa ham 5 yillik aliment pulini oldindan to‘ladi. Bu haqda MIB axborot xizmati “Daryo”ga xabar berdi.
Ma’lum qilinishicha, qo‘rg‘ontepalik D.M.ning kasbi sabab malakasini oshirish uchun yiliga 2-3 marotaba xorijiy davlatlarga xizmat safariga borishiga to‘g‘ri keladi. Biroq, sud hujjatiga ko‘ra farzandiga aliment to‘lagani uchun chetga chiqishiga taqiq o‘rnatilgan.
D.M.ning ham yaqin kunlarda Batumiga xizmat safari rejalashtirilgan. Shu sababli, chetga chiqish istagida bo‘lgan ota 5 yillik aliment pulini oldindan to‘lashini bildirgan.
Ijro etish usulini o‘zgartirish uchun sudga berilgan ariza ko‘rib chiqilish jarayonida undiruvchi I.Q. bundan norozi ekanini ma’lum qilgan. Biroq sud ish hujjatlarini o‘rganib chiqib, D.M.ga 5 yil uchun hisoblangan 121,4 million so‘m alimentni 10 kunda to‘lashga o‘zgartirish bo‘yicha ajrim chiqardi.
Shunday qilib, ota bolasi uchun 5 yillik aliment pullarini oldindan to‘lab berdi va unga qo‘yilgan cheklovlar bekor bo‘ldi.
Izoh (0)