Xorazm viloyati Hazorasp tumanida qarzdorning Captiva’si xatlangach, aliment qarzini to‘lab qo‘ydi, deb xabar bermoqda MIB axborot xizmati “Daryo”ga.
Unga ko‘ra, Majburiy ijro byurosining Hazorasp tumani bo‘limi ish yurituvidagi fuqarolik ishlari bo‘yicha Bog‘ot tumanlararo sudining buyrug‘iga asosan qarzdor D.B.dan undiruvchi M.T. foydasiga bir nafar voyaga yetmagan farzandining moddiy ta’minoti uchun qarzdorning har oydagi ish haqi va boshqa daromadlarining to‘rtdan bir qismi miqdorida aliment undirish to‘g‘risidagi ijro hujjati yuzasidan qarzdor bir necha bor ogohlantirilishiga qaramasdan, 6,5 million so‘m miqdordagi aliment qarzlarini to‘lamasdan kelgan.
Aliment qarzdorligini undirish maqsadida davlat ijrochisi tomonidan olib borilgan ijro harakatlari davomida qarzdorga tegishli Captiva borligi aniqlangan.
Ushbu avtotransport vositasini auksion orqali sotish va sotuvdan tushgan pul mablag‘ini aliment qarzdorligiga qaratish maqsadida xatlangandan so‘ng, qarzdor D.B.dan jami 6,5 million so‘m aliment pullari to‘liq undirilishi ta’minlandi.
Izoh (0)