Telegram asoschisi Pavel Durov ish bilan bog‘liq tahdidlar sababli vasiyatnoma yozganini ma’lum qildi.
Erkinliklarni himoya qilish tufayli qudratli davlatlarda ham ko‘plab dushmanlar paydo bo‘ladi. Farzandlarimni, shuningdek, o‘zim asos solgan Telegram kompaniyasini himoya qilmoqchiman. Telegram men himoya qilayotgan qadriyatlarga abadiy sodiq qolishini istayman, dedi Durov.
Vasiyatda Telegramʼning ishlash shartlari keltirilgan. Unga ko‘ra, Durov messenjerning yagona aksiyadori bo‘lib qoladi va kompaniyaning 100 foiziga egalik qiladi.
“VKontakte” tarixidan saboq oldim. Nazoratni bo‘lishishingiz bilanoq erkinlikni yo‘qotasiz, deya tushuntirdi u.
Kutilmagan holatlar yuzaga kelganda, notijorat jamg‘armasi Telegramʼni boshqarishni o‘z zimmasiga oladi. Bu qaror Durovning maqsadi asosida qabul qilingan: “Platformaning uzluksizligini ta’minlash uchun men mavjudlik va so‘z erkinligini hurmat qilgan holda mustaqil ravishda yashashni xohlayman”.
Xususan, hujjatda aytilishicha, Durovning merosxo‘rlari “bugundan boshlanadigan 30 yillik muddat tugaguniga qadar” merosdan foydalanish imkoniyatiga ega bo‘lmaydi.
Aniqlik kiritmoqchimanki, men farzandlarimni ajratmayman. Tabiiy ravishda va sperma donorligi natijasida tug‘ilgan farzandlarim bor. Ularning hammasi mening bolalarim va ularning hammasi bir xil huquqqa ega bo‘ladi. Ular o‘limimdan keyin bir-birini tilka-pora qilishlarini istamayman, deya qo‘shimcha qilgan Durov.
U bu qarorini farzandlariga “oddiy odamlar kabi yashash” imkoniyatini berish istagi bilan izohlagan. Shunda ular bir-birlariga ishonishni o‘rganadi va o‘z hayotlarini quradi. Shuningdek, “bank hisobiga qaram bo‘lmasdan yashay olishlari” taʼkidlangan. Durov hozirda 3 nafar qallig‘idan 6 nafar farzandni tarbiyalamoqda. Shuningdek, u sperma donori hisoblanib, buning natijasida 12 mamlakatda 100 dan ortiq farzand ko‘rgan.
Durovning boyligi Forbes tomonidan 17,1 milliard dollarga baholangan. U sayyoradagi eng boy odamlar ro‘yxatida 134-o‘rinni egallab turibdi.
Izoh (0)